Plantun de Prouvènço

Pèr coumpara dos planto d'encò nostre

Rhus coriaria & Erigeron uniflorus subsp. uniflorus

Fàuvi

Rhus coriaria

Anacardiaceae

Àutri noum : Suma, Rous, Rodo, Fóuvi, Féugié.

Noms en français : Sumac des corroyeurs, Vinaigrier.

Descripcioun :
Lou fàuvi es un aubret que trachis en coulounìo. Se recounèis l'estiéu à si fueio coumpausado (de 9 à 21 fuioun) e bourrihudo. Li fru, brun, rèston de tèms sus la planto. L'ivèr se recounèis peréu à si bourroun burèu.

Usanço :
Li fueio èron proun emplegado, à passa tèms, pèr rusca li pèu. Li fru, un pau empouisounant fres, s'adoubon emé de vinaigre coume li tapeno. En óuriènt n'en fan uno poudro que sèr de sabourun. Li fru soun peréu un bon remèdi pèr ressara.

Port : Aubret
Taio : 1 à 3 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rhus
Famiho : Anacardiaceae

Coulour de la flour : Verdo
Petalo : 5
Ø (o loungour) enflourejado : 5 à 15 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Garrigo - Camin - Esboudèu
Estànci : Termoumediterran à Coulinen
Couroulougi : Estenoumediterrano
Ref. sc. : Rhus coriaria L., 1753

Erigeroun(-d'uno-souleto-flour)

Erigeron uniflorus subsp. uniflorus

Asteraceae Compositae

Nom en français : Vergerette uniflore.

Descripcioun :
Lis erigeroun de mountagno dèvon bèn èstre espincha que se sèmblon proun à proumiero visto. Aquest èi tout d'abord pichot (< 10 cm), sis invoulucre soun lanu, si fueio soun coume d'espatulo e ciliado sus li bord alor qu'an pas de péu dessubre. Ié dison Erigeroun-d'uno-souleto-flour pèr-ço-que i'a qu'uno meno de flouroun sus lou deforo de la flour coumpausado : tóuti soun ligula.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : basalo
Tipe bioulougico : Pancaro entresigna
Cicle bioulougico : Pancaro entresigna

Gènre : Erigeron
Famiho : Asteraceae
Famiho classico : Compositae

Ordre : Asterales

Coulour de la flour : Jauno Roso
Petalo : >6
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 1600 à 3000 m
Aparado : Noun

Liò : Auto mountagno - Roucas - Pelouso - Roucaio
Estànci : Subaupen à Aupen
Couroulougi : Pancaro entresigna
Ref. sc. : Erigeron uniflorus subsp. uniflorus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rhus coriaria & Erigeron uniflorus subsp. uniflorus

ges

Coumpara Fàuvi emé uno autro planto

Coumpara Erigeroun(-d'uno-souleto-flour) emé uno autro planto